Plentziako itsasadarra plastikoz garbitzeko hitzordua jarri dute zapaturako

Zaborra biltzeko kanpainak egin ohi ditu urtez urte Goazen Up elkarteak. Irudian, Barrikan.

Plentziako itsasadarra garbitzeko ekimena antolatu du Goazen Up elkarteak zapatu honetarako, hilaren 27rako. Elkartekoek diotenez, egunotako marea biziak aprobetxatuko dituzte inguruotan agerian geratuko diren plastiko-deposituetara joateko. Zabor-bilketan parte hartu gura dutenek izena eman beharko dute aldez aurretik.

Urteko marea bizi indartsuenetako bat aprobetxatuta, Plentziako itsasadarrean plastiko-deposituek gehien kaltetutako guneetako asko agerian geratuko direla ohartarazi du Goazen Up elkarteak. Hala, garbiketa-ekimena antolatu dute zapatu honetarako, hilaren 27rako: "oinez sartu ahal izango gara bertara, sup eta kayakekin, garbitu ahal izateko".

Hitzordua goizeko 10:00etan jarri dute, Barrikako San Telmo auzoko 18 zenbakian. Interesa dutenek aldez aurretik izena eman beharko dute goazenup@gmail.com helbide elektronikoan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun