Koronabirusaren datuak

Getxo eremu gorritik irten da

Koronabirusak kutsatutako 40 kasu baieztatu dira azkenengo orduetan, aurreko jardunaldian baino 4 gutxiago. Hala, emaitza horiei esker, Getxo eremu gorritik irten da, baina neurri murriztatzaileakaz segitu beharko du, gutxienez, datorren astelehenera arte. Uribe Kostan metatutako intzidentzia-tasari dagokionez, tasak 373,75ra egin du behera, aurreko egunean baino 16 puntu gutxiagogaz.

Datuak kontutan hartuta, eta osasun-agintariek hala aginduta, murrizketak indarrean egongo dira Erandion, Getxon, Leioan eta Sopelan, printzipioz, maiatzaren 10era arte. Ondorioz, udalerriak perimetralki itxi eta tokiko ostalaritzako barrualdeetako ordutegia murriztuta egongo da horietan, 06:30etik 09:30era eta 13:00etatik 16:30era. Bestalde, kirol arloan, ezingo dira 4 pertsona baino gehiago elkartu leku itxietan kirola egiteko, kirolari federatuak eta profesionalak izan ezik. Aldagelak eta dutxak itxita egon beharko dira, igerilekuetan izan ezik, horietan % 35eko edukiera onartuko da, baina dutxak bakarka erabili beharko dira.

Udalerriak itxita egon arren, ondoko udalerrira joan ahalko da erosketak egitera edo aire zabaleko kirola egitera.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun