Gurasoak eskolara bueltatuko dira seme-alabak hezten ikasteko

2023 Guraso Eskola ekimenak ziklo ezberdinetako haurren hezkuntzan laholkuak emango ditu.

Uribe Kostako Zerbitzuen Mankomunitateak tailerrak eskainiko ditu eskualdeko familiek seme-alaben hezkuntzan eta formakuntzan aholkuak jaso ditzaten. Online formatuan izango da maiatzean zehar.

Umeen eta familien ongizatea hobetzen jarraitzeko helburuagaz, Uribe Kostako Zerbitzu Mankomunitateko Gizarte Hezkuntza Artekaritzak (GHAZ) eta Adikzioen Prebentzio eta Osasuna Sustatzeko Zerbitzuak 2023eko Guraso Eskola ekimena abiarazi du, beste urte batez.

Sesioak online eskainiko dira, 17:30etik aurrera, eta hezkuntza zikloen arabera egongo dira banatuta. Horiek guztiak ezberdinak izango dira, horregatik, ziklo ezberdinetan apuntatzeko aukera egongo da. Bertaratzeko baldintza bakarra izango da antolatuko diren zikloetako bitara joatea.

Eskaintzari dagokionez, maiatzaren 5 eta 14an egingo den hitzaldian Arauen balio hezitzaileari buruz berba egingo dute, Haur Hezkuntzako zikloari zuzenduta. 3an eta 10ean, aldiz, Pantailen erabilpen osasuntsua izango da mintzagaia; Lehen Hezkuntzara bideratuta. Tailerrakaz bukatzeko, maiatzaren 19an eta 24an Zelan kudeatzen dira emozioak? Amorrua, frustrazioa, tristura zikloa egingo dute, DBHn dauden umeen inguruan.

Parte hartu gura dutenek apirilaren 28ra arte izango dute epea, lotura honetan izena emateko.

 

 

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun