Domekan eta astelehenean zeharkatuko du Kutxa Birak Uribe Kosta

Apirilaren 8an ekin zion Kutxa Birak buelta emateari Euskal Herrian barrena. © ZUZEU

Domeka eta astelehen bitartean igaroko du, Bizi Gira... Kutxa Bira lemapean, Kutxa Bira ekimenak eskualdea. Zehazki, maiatzaren 2an Getxo eta Sopela bisitatuko ditu, hurrengo egunean, maiatzaren 3an, Barrika eta Plentzia zeharkatzeko.

Iparra Hegoa elkarteak antolatutako ekimena da Kutxa Bira. Horren helburua da euskara, herri-nortasuna eta euskal kultura bultzatzen duten Korrika, Durangoko Azoka eta ikastolen jaialdiak bezalako ekimenak bertan behera geratzeak suposatu duen galera ekonomikoak baino, galera sentimentalari aurre egitea, eta, era berean, euskal komunitatea aktibatu eta elkartzeko aukera ematea.

Zeregin horretarako, kutxa bat izango da ekimeneko protagonista, herriz herri mugituko dena. Horretan, udalerri bakoitzak bere aldarrikapen, amets zein helburuak sartuko ditu hura hurrengo herriari pasa aurretik. Ideia da Euskal Herriari buelta ematea, eta, aste-akabu honetan igaroko da Uribe Kostatik, Getxotik eta Sopelatik maiatzaren 2an, eta Barrikatik eta Plentziatik maiatzaren 3an.

Kartel orokorra:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun