Bizikleta-bideen proposamenak batu gura ditu Mankomunitateak

Sopela bezalako udalerriek bere bidegorri propioa dute. © SOPELAKO UDALA

Uribe Kostako Zerbitzuen Mankomunitateak herritarren iritziak ezagutu gura ditu bizikleta-bideen plan bat osatzeko; horretarako, maiatzaren 28ra arte batuko ditu eskualdeko biztanleen proposamenak.

Uribe Kostako Zerbitzu Mankomunitatea bizikleta-bideen plana ari da prestatzen zazpi udalerrietako (Barrika, Berango, Gorliz, Lemoiz, Plentzia, Sopela, eta Urduliz) ibilbide-sarea hobetzeko asmoagaz. Adierazi dute egitasmo horren helburu nagusia dela bizikletaren erabilera sustatzea, eta, horretarako, dagoen egitura hobetuko dutela, baita udalerri mugakideen arteko loturak diseinatu ere.

Iragarri dutenez, "plana modu egokian diseinatzeko herritarren partaidetza beharrezkoa da". Horregatik, herritarren proposamenak batzeko galdetegi bat prestatu dute herri bakoitzarentzako. Deialdia maiatzaren 28ra arte egongo da zabalik, honako lotura hauetan:

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun