Plentziako itsasadarra eta Gorlizko kostaldea garbitzeko hitzorduak jarri dituzte aste-akaburako

Ozeanoen Munduko Eguna dela eta, itsasoan darabilen plastikoa batzeko hitzordu bana jarri dute Plentzian eta Gorlizen, zapatuan eta domekan, hurrenez hurren.

Zapatuan, ekainaren 12an, goizeko 10:00etan jarri dute hitzordua, Plentziako ontziola plazan. Hurrengo egunean, domekan, garbiketarako "egun handia" egingo dute Gorlizen. 11:00etatik hasita, Astondoko aparkalekuan batuko dira ekintzaileak eta, taldetan banatuta, kostaldea, pinudia, itsasargirako bideak eta Billanorako itsaslabarrak garbituko dituzte, Goazen Up elkarte antolatzaileak iragarri duenaren arabera. Talde horregaz batera, beste hainbat elkarte batu dira ekimenera.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun