Espainiako Barne Ministerioaren menpe dagoen Espetxe Erakundeetako Idazkaritza Nagusiak jakinarazi duenez, lau euskal preso gerturatuko dituzte, horien artean, Aitor Cotano algortarra eta Ibai Aginaga berangoztarra.
Iturriek azaldu dutenez, Aitor Cotano Cadizeko Puerto III espetxetik Palentziako Dueñasera eramango dute. Gertukoek gogoratu dutenez, Algortako presoak ezin izan zion agur esan aitari 2018ko udan, etxetik urrun espetxeratuta zegoelako.
Ibai Aginaga berangoztarra, aldiz, Sevilla II presondegitik Kantabriako El Duesora lekualdatuko dute. Horrek zigorraren hiru laurdenak bete zituen 2017ko martxoan, duela lau urte baino gehiago.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!