Kulturak elkartzeko eta guneak sortzeko, baita bizikidetza hobetu, partaidetza sustatu, diskriminazioa prebenitu eta aniztasuna bultzatzeko ere, Bizilagunak Mendira jarduera Armintzako Urizarmendira joango da datorren uztailaren 11n.
Bizilagunak proiektua Getxoko Udalaren, Getxoko Etorkinen Plataforma Federazioaren eta Egizu elkartearen arteko lanaren fruitua da, pertsonen arteko, eta euskal kultura eta udalerrian dauden kultur anitzen arteko zubiak eraikitzeko. Horren barruko Bizilagunak Mendira jarduera da.
Doako txangoa izango da, eta 09:15ean aterako da Areetako Santa Anatik. Aurretik izena eman behar da 622 433 085 edo 655 603 809 telefono zenbakietan zein getxobizilagunak@gmail.com helbidean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!