Guztira, Bidaideak erakundeko 21 monitore espezializatu arduratuko dira programa dinamizatzeaz, 11:00etatik 19:00etara, uztaileko eta abuztuko egun guztietan. Horretarako, besteak beste, honako baliabide eta elementuak dituzte: 30 gurpil-aulki anfibio (horietatik 9 berariazkoak dira mendekotasun arineko indizeak dituzten pertsonentzat, 15 erdi mailako mendekotasuna dutenentzat eta beste 7 mendekotasun handia dutenentzat); hondarrean ibiltzeko bereziak diren 70 makulu pare; eta monitore-taldeari mugitzeko erraztasunak emateko 4 garabi hidrauliko, batez ere mugikortasun-arazo larriak dituzten erabiltzaileei laguntzeko. Laguntza-puntuek, gainera, hondartza bakoitzean arreta emateko behar den azpiegitura barne hartzen dute: egurrezko plataformak, karpak, aulkiak, mahaiak, bainugela egokituak eta aldagelak. Programa hori garraio egokituko zerbitzu berezi bategaz osatzen da.
Ereaga eta Plentziako hondartzek lagundutako bainu-zerbitzua izango dute aurten ere
Hondartza Denontzat izeneko lagundutako bainu-zerbitzua jarri zuten martxan atzo, eguenean, Arena, Ereaga, Laidatxu, Isuntza, Arrigorri eta Plentziako hondartzetan. Zerbitzu hori, iaz bezala, COVID-19aren prebentzio eta kontroleko araudi orokor eta espezifikoetara egokitua eskaintzen da, eta abuztuaren 31ra arte egongo da martxan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun