Udaberriarekin Loreak

Aspaldian, euskal herrietatik ibili barik, eta zer topatu dut gure bazterretatik? Loreak. Gure belaunaldia gogor dator hamarkada honetan. Artean, ekonomian, kiroletan, biologian edo medikuntzan. Etorkizunaz, hortaz ari ziren batzuk.

Artea begietan dugunontzat, esperantza hitzetan, ametsetan. Ziklo berria datorrela argi dago; zergatik ez aprobetxatu haize berri hau sormenerako? Horretan dabiltza batzuk; beste batzuk, kanpoan bide berriak irekitzen. Edo auskalo zeinek ireki dituen aurrena, baina norberarentzat berriak dira. Pausoak, arnasa, goizean goiz begiak ireki, eta eskertu. Hura delako oparia. Norberak nahi duena egitea. Aprobetxatu eskura ditugun baliabideak nahi duguna lortzeko. Apaltasuna, jende nagusiaren esperientziatik eta ume jaioberriaren osotasunetik elikatu. Galdetu, bilatu, eta gure burutik, harri huts hori atera. Badatorrela gure udaberria. Sinistu dezagun, gurea dela aztarna eta sormena. Zertarako etorri gara mundu honetara? Zorrak ordaintzeko, auzokideari aurpegira ez begiratzeko eta bakardadean itotzera? Ez motel, zerbait handia egitera etorri gara. Baina arnas dezagun barrura begira, ea zeinek jartzen dizkien oztopoak gure ametsei eta eraikitzen dituen barrote ikusezinak. Heldu da zure udaberria, gozatu.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun