Ekogunek mugikortasun jasangarriari buruzko I. argazki-lehiaketa antolatu du

© URIBE KOSTAKO ZERBITZU MANKOMUNITATEA

Uribe Kostako Zerbitzu Mankomunitateko Iraunkortasun Sailak antolatu duen ekimenaren helburua da eskualdeko herritarren artean mugikortasun jasangarria sustatzea eta sentsibilizatzea.

Ekogunek, Uribe Kostako Zerbitzu Mankomunitateko Iraunkortasun Sailak, mugikortasun jasangarriaren inguruko I. argazki-lehiaketa antolatu du, irailaren 16tik 22ra egingo den Mugikortasun Iraunkorraren Europako Astearen leloagaz bat etorriz: "Zaindu osasuna, mugi zaitez modu jasangarrian".

Parte hartzeko epea irailaren 22ra arte egongo da zabalik, eta irudiak bi modura bidaliko ahalko dira: alde batetik, info.ekogune@uribekosta.eus helbide elektronikora bidaliz, edo, bestetik, Mankomunitateko Instargameko profilera (@uribekostamanko) igoz.

Epaimahaiak hiru parte-hartzaileren lanak aukeratuko ditu lehiaketaren lehen edizioko irabazle gisa, eta horietako bakoitzari bizikleta eta kasko bana emango zaie sari modura. Erabakia irailaren 24an adieraziko dute.

Lehiaketaren oinarriak, lotura honetan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun