Erabakitzeko abagunea

Zer erantzungo zenuke, esango banizu aldaketa politiko unearen atarian gaudela? Adituek diotenez, momentum berri baten abagunearen arrastoak badirela? Erne egonda, zuk zeuk egiaztatzeko aukera duzu.

Ez al da klima aldaketa orain arteko eredu ekonomiko eta sozialaren mugak agerian uzten, eta ekologia eta gizartea berritzeko beharra azalarazten? Eskoziaren bigarren erreferendumak ez al ditu Europako mapa eta harreman politikoak eraldatuko? Katalunia bere independentziaren erreferenduma legez egiteko ahaleginetan dabil, ez al da agerian geratzen bozkatzea demokrazian ezin daitekeela delitu izan?

Euskal Herrian, Gure Eskuk Hamaika Gara ekimenaren baitan sinadura bilketa abian du, gurean ere erreferenduma legez jaso dadin (autogobernu ponentziak eskaintzen du horretarako abagunea). Gainera, Kataluniako ANC eta Omnium gizarte-eragileekin elkarlanean, Pirinioetako gainak argiztatzera goaz, 2022ko uztailean, Europari eta munduari ozen esateko bi herri garela gure etorkizuna libreki erabaki nahi dugunak. Hori ezin daiteke demokrazian delitu izan. Elkartasunetik elkarlanerako baldintzak sortzera goaz. Erabakitzeko abagunea elikatzea Gure Esku dago.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun