Zapatu honetan

Arrasateko martxa bertan behera utzi eta biziarteko kartzela-zigorraren kontrako aldarrikapena egingo du Sarek herrietan

Argazkia: Sare

Sare herritarra plataformak Arrasateko martxa bertan behera utzi du, eta, horren ordez, biziarteko kartzela-zigorraren kontrako aldarrikapena Euskal Herriko plazetara eramango du zapatu honetan; gurean, Algortan, Berangon eta Sopelan egingo dituzte mobilizazioak, 13:00etan.

Sare Herritarrak salatu duenez, giza eskubideen aldeko mobilizazio hori hutsaltzeko eta, kasu batzuetan, kriminalizatzeko ahalegina egin da sektore askotatik. Azpimarratu du, erantzukizunik gabeko jarrerak izan direla, eta indartu egin dituztela espetxe-politikan edozein aldaketa errefusatzen duten horien jarrerak, eman diren aurrerapausoak gerarazteko presioa eta manipulazioa darabilten horienak. Sarek gogorarazi gura izan du Giza Eskubideak ezin direla bereizi eta ezin direla batzuk defendatu eta beste batzuk mespretxatu.

Hori guztia dela eta, nahiz eta Arrasateko martxa bertan behera gelditu den, mobilizazioak iragarri dituzte Euskal Herriko hamaika txokotan, baita Uribe Kostan ere.

Elkarretaratzeak zapatuan izango dira, Algortan, Berangon eta Sopelan, 13:00etan. Algortako hitzordua Telletxe plazan jarri dute, Berangokoa frontoian eta Sopelakoa, aldiz, udaletxeko berdegunean.

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun