Irailaren 25ean

Mungiako Nekazaritza Ekologikoaren Azoka, gertuko produktuak eta zozketak

© MUNGIAKO UDALA

Oingo zapatuan, irailaren 25ean, Mungiako Foruen enparantzak herriko Nekazaritza Ekologikoaren Azokaren edizio berri bat jasoko du, bertako Udalak eta Ekolur Elkarteak antolatuta. Bertan, Mungialdeko, Bizkai osoko eta Araba, Nafarroa eta Zamorako ekoizleek salgai jarriko dituzte euren kalitate handiko produktu naturalak. Barazkiak, esnekiak, txakolina, okela, marmeladak, eztia… Askotariko elikagaiak izango dira bertan.

Kalitate handiko produktu ekologikoak eskuratzeko aukera izateaz gain, saltokietan erosketak egingo dituzten bisitarien artean produktu ekologikoz betetako hiru otzara zozkatuko dituzte antolatzaileek.

Horretaz gain, Euskadiko Nekazaritza eta Elikadura ekologikoaren Kontseiluaren eskutik, "Elikadura Ekologikoarekin Dena Hobetzen da" erakusketa ibiltaria izango da.

Parte hartuko duten ekoizleak

  • Gorka Irazabal (Goreko) – Mungia – Barazkiak
  • Lurmena – Fruiz – Barazkiak
  • Orhan Yigit – Larrabetzu – Barazkiak
  • Biolandare – Gamiz-Fika – Hazitegia
  • Iker Ulibarri – Gordexola – Gazta
  • Itturbaltza Artisau Elikagaiak – Mungia – Okela
  • Iker Ulibarri – Gordexola - Txakolina
  • Vista Alegre Baserria – Karrantza – Esnekiak
  • Idoia Frades (Batana Ogia) – Abadiño – Ogia
  • Artesa – Zeberio – Ogia
  • Tologorri – Urduña – Marmeladak
  • Olatxuko Laboreak – Arrieta – Marmeladak
  • Txaramela pasta – Muskiz – Pasta
  • Amatxo – Antzuola – Gazta
  • Javier Álvarez Pagazaortundua – Zamora – Baratzezaintza eta lekadunak
  • Joseba Villacorta – Araba/Nafarroa - Eztia

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun