Busterri Herri Antzerki Elkarteak bere obra berria aurkeztuko du asteburu honetan

Butroe zelangoa dan orok dakie antzezlana urriaren 2an eta 3an aurkeztuko dute, Plentzian eta Gorlizen, hurrenez hurren. Emanaldiak herri bietako elizako plazetan egingo dituzte, 20:00etan.

Beste urte batez, Busterri Herri Antzerki Elkarteak eskualdeko historiaren pasarte baten inguruko antzerkia sortu du, hainbat herritarren parte hartzeari esker. Butroe Zelangoa dan orok dakie antzezlanak XVI. mendera eramango ditu ikusleak. Bertan, dokumentu historikoetan oinarritutako Butroe leinuaren eta Plentziako herriaren arteko liskar judizial bat antzeztuko dute, garaiko bizimodua eta hainbat pasarte gogoratuz.

Guztira, 70 antzerkizale inguruk parte hartu dute antzerki-lanaren ekoizpen-prozesuan. Beste askoren artean daude testua moldatu duen Jokin de Pedro, eszena zuzendaritzaz arduratu den Matxalen de Pedro edo irudia diseinatu duen Luis Olaso. Gainera, Iñaki Lagos musikariak zuzeneko musika jarriko dio antzezlanari.

 

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun