Argindarraren prezioen etengabeko garestitzeari aurre egin guran, itzalaldi masiboak eta kazola-jotzeak egiteko deia egin dute barikurako, hilaren 8rako, 22:00etatik aurrera. Horrez gainera, Getxon, Algortako Villamonte eta Itzubaltzeta/Romoko Santa Eugenia plazetatik abiatuta, kalejira zaratatsuak egingo dituzte.
Argindarraren prezioa etengabe gora egiten ari da egunotan; goia jo du gaur, urriaren 6an, eta ordurik garestienean, 21:00etatik 22:00etara bitartekoa, 260 euro balioko du megawatt-orduak.
Hori dela eta, garestitze hori salatu guran, itzalaldi orokorra eta kazola-jotze zaratatsuak egiteko deia egin dute herriz herri bariku honetarako, urriaren 8rako, 22:00-22:30 ordu tarterako. Horrez gainera, Getxon, kalejira zaratatsuak egingo dituztela iragarri dute, 22:00etatik aurrera, Algortako Villamonte eta Itzubaltzeta/Romoko Santa Eugenia plazetatik abiatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
