Umeen Bizikleta Festa Erandioko Obieta plazatik abiatuko da 11:00etan. Hala ere, antolatzaileek iragarri dutenez, horren aurretik, hamaiketako egingo dute indarrak hartzeko, ibilbideak ia 10 kilometro izango baititu; gogoratu dutenez, une horretan, parte hartzaileek maskara erabili beharko dute.
Erandiotik Leioara abiatuko dira, eta, hortik, Getxora joango dira txirrindulari gazteak eta horiekaz doazen helduak. Ibilbidea Berangoko Moreaga plazan amaituko da, 13:00ak aldera. Bertan, osasun-baldintzek hala baimentzen badute, jai-jarduerak egingo dituztela ere iragarri dute. Parte hartzeko izen-ematea internetetik bakarrik egin daitekeela azaldu dute antolatzaileek; horretarako, http://www.ubfesta.org webgunean atal berezia prestatu dute.
