Getxon hasiko da Bertsolari Txapelketa Nagusiaren 18. edizioa

Datorren urteko irailaren 24an, udagoienean, hasiko da Getxon Bertsolari Txapelketa Nagusia. Ibiltaria izango da lehia, eta, Euskal Herri osoa zeharkatu ostean, Iruñean hartuko du lur finalak, abenduaren 18an. Izan ere, antolatzaileek azaldu dutenez, herrialdez herrialde, herriz herri, eragitea eta bertsolaritza sustatzea da Bertsozale Elkartearen helburua.

Getxotik abiatuta, Iruñean finala egitearen erabakia azaldu dute antolatzaileek: "Iruñerrian eragitea da asmoetako bat. Ez da asmo isolatua, Ez da asmo isolatua, Nafarroan bertsolaritza sustatzeko ahalegin handia egin du Nafarroako Bertsozale Elkarteak 1984. urtetik. Horren ondorio da, besteak beste, Nafarroako Gobernuak 2018an bertsolaritza Kultur Intereseko Ondasun izendatu izana".

Ohiko plazak, lehentasun

Arduradunek azaldu dutenaren arabera, ohiko bertso plaza berreskuratzea da bertsolaritzaren mugimenduaren asmo nagusia une honetan. Era berean, egun abian diren lurraldeetako txapelketak hasieratik amaieraraino ahalik eta normaltasun handienagaz gauzatzeko eta Bertsolari Txapelketa Nagusiaren antolakuntzan ilusioz eta buru belarri ari da elkartea.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun