Bizkaiko Bertsolari Txapelketa

Imanol Uria nagusitu da Elorrioko kanporaketan

Imanol Uria kantatzen. © BERTSOZALE

Elorrioko Arriola Antzokian jokatu zuten zapatuan, urriaren 30ean, Bizkaiko Bertsolari Txapelketako bosgarren kanporaketa. Imanol Uria nagusitu zen saio horretan eta, hala, finalaurrekoetarako txartela lortu du algortarrak.

Lan puntuagarri guztiak egin ostean, Imanol Uria izan zen puntu gehien batu zituena, 494 puntugaz. Beraz, Etxebarriako finalaurrekoan kantatuko du azaroaren 21ean. Horrela geratu ziren gainontzeko puntuazioak:

  1. Imanol Uria Albizuri................................494
  2. Iñaki Iturriotz Zuluaga............................442,5
  3. Igor Galarza Intxausti............................427
  4. Aitor Arrutia Azkueta.............................419
  5. Imanol Arrutia Azkueta.........................415
  6. Peru de Pedro Larrea...........................394,5

Idoia Anzorandia Kareagak egin zituen gai-emaile lanak. Epaimahaian jardun zutenak Ainhoa Arregi Elosua, Garazi Mendoza Agirre, Iñaki Aurrekoetxea Arkotxa, Jurgi Fuentes Goikoetxea, Leire Etxebarria Gaztelu eta Mirari Azula Aurrekoetxea izan dira. Itziar Basterretxea Olarreagak egin zituen idazkari beharrak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun