Gurot galderen lehiaketan taldeka parte hartzeko izenematea, zabalik

Datorren azaroaren 8ra arte zabalik egongo da Gurot galderei buruzko lehiaketan taldeka parte hartzeko izena emateko epea. Alkarbide, Bizkaiko udal eta mankomunitateetako euskara zerbitzuen (Getxokoa barne) Bilguneak martxan jarritako Gurot aplikazioaren lehiaketan 12 eta 17 urte bitarteko gazteek parte har dezakete. Taldeak hiru lagunek osatutakoak izan behar dira. Lehiaketaren galderei erantzuteko epea azaroaren 8tik abenduaren 8ra izango da.

Getxoko talde bi onenentzako sariak 100 eta 50 euroko txartel bana izango dira, hurrenez hurren, Euskararen Laguna Saltokien sarean gastatzeko, eta gainera abenduaren 20an Bilboko Azkuna zentroan izango den Bizkaiko finalera pasako dira. Final horretako sariak ordenagailu eramangarri bana, smartwatch bana eta 50 euroko bono bana izango dira.

Une honetan Euskara Zerbitzua lehiaketa aurkezten ari da udalerriko ikastetxeetan, harrera ona jasoz.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun