Inperioak sortzen eta erortzen dira. Horrelakoa da historia, eta horrela gertatzen da gure inguruko aspektu askotan. Ezer ez da betikoa. Pasa den mendeko amaieran, Getxo zen Bizkaia osoan udalerri hegemonikoa, kulturari zegokionez. Inguruko herriak herrixkak besterik ez ziren erraldoia aldean. Frankismo ondoren sortutako Aula de Cultura kultura sortzeko fabrika itzela izan zen. Horri ezker izan dugu antzerkia, jazz, blues, azokak… dinamismoa, sorkuntza, ideiak eta gogoa ziren hitzak.
Hala ere, ezer ez da betikoa. Leioa, Sopela Berango… txikiagoak direnak, are eta gehiago errentaz, haien bideak aurkitu dute: Kurtzio, Santa Ana, erakusgune finkoak (Berangon eta Plentzian)… ahalegin handia izan arren, fruitua eman du. Programazio xumea izan da askotan, baina erantzunarekin bat; pretentsiorik gabe, baina eraginkorrak. Espero dugu denborarekin haztea eta hobetzea.
Getxo kultura erreferentea izateari uzten dio, zaila da Bilbo ondoan. Inguruko herriak, gabeziak gabezia, eskaintza sortzen saiatzen ari dira. Algortako antzoki berria errebultsiboa izan behar zuen, primazia mantentzeko, baina, jakina, lekuaz gain, beste hiru gako daude: dirua, gogoak eta ideiak. Jakina, orden hori derrigorrezkoa ez da.