Koronabirusaren datuak

207 COVID-19 kasu berri atzeman dituzte Uribe Kostan

Osasun Sailaren buletin epidemiologikoaren arabera, azaroaren 22tik 28ra bitartean 207 positibo berri atzeman dituzte eskualdean, aurrekoan baino 53 gehiago. Bestalde, 100.000 biztanleko intzidentzia-tasa metatuak 202 punturaino igo da, aurrekoan baino 61 puntu gehiago. Une honetan, Barrika, Erandio eta Plentzia dira 150 puntuko intzidentzia-tasako eremu gorritik kanpo dauden udalerri bakarrak. Ospitaleetako datuei dagokienez, azken datuen arabera, 214 pertsona daude EAEko osasun zentroetan, aurreko astelehenean baino 46 gehiago; horietatik, 47 daude ZIUetan, 16 gehiago.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun