Euskaraldiako koordinatzailea

Eredu al gara?

Udan umearekin igerilekura joan nintzen egunetako batean, guraso eta ume talde bat izan nuen ondoan. Bost bat guraso izango ziren, bospasei urteko beste hainbeste umerekin. Haurrak gazteleraz ari zirela eta, euskaraz egiteko esan zien heldu batek. Halako batean, umeak aldendu eta ordura arte euskaraz ari ziren gurasoak ere gazteleraz hasi ziren. Minutu gutxira itzuli ziren umeak, eta erdaraz jarraitzen zuten helduek. Geroago, umeei errieta egin zieten, berriz ere gazteleraz ari zirelako. Ez naiz ezer asmatzen ari, iragarkietako topikoa ohikoa da.

Izan daiteke mobila uzteko esatea geu mobilari pegatuta gauden bitartean; umeei zaborra birziklatzeko eskatzea plastikoa lurrera botatzen dugunean; fruta jateko esatea mandarina bat ikutzen ez dugunean; eta abar. Gure seme alabak gu baino hobeak izatea nahi dugu. Baina zenbateraino eska diezaiekegu geuk egiten ez duguna egiteko? Hizkuntzari dagokionez, soziolinguistek argi dute: haurrek ez dute soilik euskara ikasten, hizkuntza erabiltzeko edo ez erabiltzeko arau sozialak ikasten dituzte txikitatik, ez esaten dugunetik, egiten dugunetik baizik. Eredu izatea ezinbestekoa da honetan ere.

Izan gaitezen haurren aurrean helduok heldu.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun