SATSE, ELA, LAB, CCOO eta UGT sindikatuek elkarretaratzeak deitu dituzte biharko, abenduaren 22rako, egueztena, Osakidetzako lehen mailako arretako zentro guztietan, 13:00etan. Salatu dute "egoera jasanezina" dela, bai langileentzat, bai biztanleriarentzat ere.
Sindikatuen arabera, izurriteak are gehiago tenkatu du lehen ere hilzorian zegoen asistentzia-maila horren egoera; izan ere, azaldu duteenez, "arazoak egiturazkoak dira, eta egungo osasun-krisia baino askoz sakonagoak eta zaharragoak". Gainera, pandemiak kolektiboaren lan-baldintzak eta herritarrei eskaintzen zaien asistentzia-kalitatea are gehiago prekarizatzeaz gain, deitzaileek deitoratu dute aitzakia ere bihurtu dela Osakidetzan murrizketak aplikatzeko eta pazienteak osasun publikora iristea zailtzeko.
"Hori guztia, planifikaziorik, errefortzurik eta inbertsiorik ezagaz eta pandemiaren kudeaketak eragindako lan-karga handitzeagaz batera, lehen mailako arreta soken aurka jarri du. Lehen Hezkuntza eraisteko programatutako estrategiak aurrera jarraitzen du, eta Osakidetzak, berriz, COVID19agaz egiturazko defizita estaltzen jarraitzen du", baieztatu dute sindikatuek.
Hitzorduak:
- Erandion, 13:00etan, anbulatorioan egingo dute elkarretaratzea, eta, arratsaldean, 19:30ean herritar guztiek parte hartzeko deialdia egingo dute Altzagako metro geltokian.
- Gorlizeko anbulatorioan, 19:30ean.
- Leioan, 19:00etan, anbulatorioaren aurrean.
- Getxon, Bidezabaleko osasun zentroan, 13:00etan eta 19:30ean.