Domekan, hilaren 22an, Euskal Herriko punta-puntako sokatira-taldeak norgehiagokan arituko dira Berangoko kirolgunean. Izan ere, Euskal Herriko Goma Gaineko Sokatira Txapelketa hartuko du udalerriak egin horretan; gizonezkoak eta emakumezkoak lehiatuko dira, 17:00etatik aurrera.
Eguerdiko 14:00etatik 15:00etara pisaketa egingo dute eta, ondoren, 17:00etatik aurrera, txapelketa abiatuko da Berangoko kirolgunean. Egoera epidemiologikoa dela-eta, publikoarentzako edukiera % 60ra mugatuta egongo dela jakinarazi du Udalak, eta COVID-ziurtagiria beharrezkoa izango dela ere ohartarazi du.
Hurrengo taldeek parte hartuko dute norgehiagokan:
- Gizonezkoak, 640 kilogramo; finala
- Ibarra, Amaiur, Beti Gazte, Txantrea, Abadiño, Ñapurrak eta Zuraide.
- Emakumezkoak, 540 kilogramo
- Ibarra, Beti Gazte, Badaiotz, Abadiño A, Abadiño B eta Gaztedi.
Otsailaren 5ean, Erandion izango da gizonezkoen 600 kilogramoko bigarren jardunaldia, eta emakumeen 500 kilogramoko lehena jokatuko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
