Urte barri on danoi! Urtarrilaren lehenengo asteak hasi dira eta seguruenik promesak ere: zer egin behar dugun gure bizi-kalitatea hobetzeko, estresa kentzeko eta halakoak? Bai, ni ere horretan nabil. 2022. urtea, urte borobila dirudi, eta horretan konbentzitu dut neure burua. Kenduko ditut arazoak erosoago bizitzeko, niretzat denbora gehiago lortzeko, tramiteei behar besteko denbora emanez (ez gehiago), kirola eginez, esnaturik jarraituz, eta saiatuko naiz nire esku ez dauden erabaki erraldoiei jaramonik ez egiten.
Artzainik gabeko artalde honen parte sentitzen bazara ere, ardi beltza izateko aukera kontuan hartu, eta konturatu zaitez bidezidorretatik joan zaitezkeela.
Behintzat, gaurkoz, baloratu dezagun dugun askatasuna, ez dakigulako bihar zein konturekin esnatuko garen. Goiz goizetik begiak ireki, eta jabetu, zein ondo gauden, osasuna, janari-plater bat, ura eta irribarrea ditugun bitartean. Zein pribilegiatuak garen kontziente izaten eta eskerrak emanez jaiotzear dagoen eguzki berriari. Lagunen kontuei, itsasaldeko ilunabarrari edota plazer txikien jokoez disfrutatu gaur eta orain; izan zaitez zure festarik ederrena eta koloreztatu zure mundu txiki eder hori.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
