Gaurtik, otsailaren 4tik, aurrera, EAEko establezimenduek ez dute beharrezkoa izango COVID ziurtagiri digitala eskatzea; hala ere, gogoratu beharra dago ziurtagiri horrek indarrean jarraitzen duela Europar Batasunaren barruan, "zirkulazio askea eta bidaiak errazteko".
EAEko Agintaritzaren Aldizkariak gaur argitaratu du joan den azaroaren 17an ezarritako neurria bertan behera uzteko agindua. Hala, gaurtik aurrera, 50 lagunetik gorako jatetxeetara eta gaueko aisiagaz lotutako establezimenduetara sartzeko COVID ziurtagiriaren eskakizuna bertan behera egongo da Araba, Bizkai eta Gipuzkoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun