Ea ba, itxi begiak eta, asko hausnartu gabe, zein da datorkizun lehen irudia, lehen hitza zaintza horiek noren bizkar, zergatik eta zeren truke egiten diren pentsatzeko esaten badizugu?
"Kulturaz", "tradizioz", betiko alardearekin bezala, sinetsarazten zaigu, kontzienteki ala inkontzienteki, emakumeon zeregina dela, eta horrela hazten gara, hezten gaituzte. Horregatik egoitzen mundu horretan ere zaharra berri emakumeentzat, erabiltzaile, senide zein langile.
Umeen zaintzarekin bezala, ziurrenik eta zoritxarrez, albiste izango dira, kameren xede, etxekoak zaintzen dituzten gizonak, horrelakoetan, sistemak oraindik salbuespen diren gizonak goraipatzen eta bistaratzen baititu bat ere lotsarik gabe.
Mesedez, gizon! Kendu fokutik! Aldarrikatu zaintza-zerbitzu unibertsal eta publikoa gurekin.