Inklusioa zugan hasten da

Igeriketa egokituan aritzen den lagun batek esaten duen bezala: "Nik ez badut beste kolektiboetako errealitatea ezagutzen, nik ere hanka sartzen dut, horregatik, talde desberdinetako jendea behar dugu, kolektibo horietakoa izateak suposatzen duen errealitatea gainerako gizarteari ezagutzera emateko; zertan kale egiten dugun jakiteko, hain zuzen ere".

Baina errealitatea anitza da, eta kolektiboen barruan talde gehiago daude. Adibidez, bocciaren kasuan, mugikortasun mugatua duten pertsonek jokatzen dute, eta kirola (testuingurua) kirolarien (pertsonen) mugitzeko modu eta joko-aukerei egokitzen zaie, berdintasunean oinarrituriko bidezko lehiaketa izanik.

Praktikan, lehiatu ahal izateak norbera konfrontazio egoeran eta zalantzan jartzea suposatzen du, jolasteko aukera zirraragarria ematen du, ondorio positibo zein negatibo guztiekin, erabakiak hartzeko aukerarekin. Joko jolasak gizartearen ispilu badira, eta horren helburua kirolaren bitartez inklusioa sustatzea bada, kolektibo honetako partaideak ez diren pertsonen txanda da! Mundu berri bat ezagut dezagun, normalak desberdinak diren lekuan gero eta sentikorragoak bilakatzeko. Agian, opilari buelta ematea batzuetan zaila da, baina alde bakarretik bakarrik ez litzateke hain goxoa geratuko.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun