Gazteon Abentura Txapelketa (GATX)

Eskualdeko gazteen artean euskara sustatzeko hamaika abentura egingo dituzte Gorlizen

Uribe Kostako Mankomunitatea osatzen duten udalerrietako 100 gaztek parte hartuko dute ekimenean. © GATX

Otsailaren 19an aurkeztutako GATX egitasmoak uztailaren 23ra arte iraungo du, eta eskualdeko 12-15 urte bitarteko gazteen 10 taldek parte hartuko dute txapelketan.

Gorliz, Plentzia, Barrika, Lemoiz, Sopela eta Urdulizko 100 gaztek parte hartuko dute joan den otsailaren 19an aurkeztutako Gazteon Abentura Txapelketan. 10 taldetan banatuta, itsasoan, hondartzan, pinudian, mendian zein kaleetan askotariko esperientziez gozatzeko aukera izango dute parte-hartzaileek, hala nola piragua, orientazio ibilbideak, eskalada, herri kirolak, surfa eta gaueko ibilaldiak.

Antolatzaileek jakinarazi dutenez, ekimen honen helburua da 12 eta 15 urte arteko neska-mutil horien artean abentura eta esperientzia “paregabeak” eskaintzea, “betiere elkartasuna, errespetua, bizipoza, laguntasuna eta ingurunearekiko zainketa balioan jarrita”. Gainera, euskararen erabilera bultzatu eta baloratuko dute bereziki, “lagunekin euskaraz bizitzeko ekimen erakargarria proiektatu nahi izan dugu”.

Daborduko, txapelketa martxan dago, eta azkenengo saioa uztailaren 23an izango da, finala eta jaia egingo duten egunean, hain zuzen ere. Festa horretan, azken saioko jokoak, sari-banaketak eta kontzertua egingo dute.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun