Getxoko Udalak ikastetxeetan animatzeaz gain, DBHko hirugarren eta laugarren mailako 1.480 gazteri kanpainaren informazio foiletoa bidaliko die. Horretan ekimenaren berri azaldu eta www.nahidudalako.eus webgunean sartzera animatuko ditu, bertan egun dagoen hezkuntza eskaintza azaltzen delako. Gainera, inkesta bat betetzen badute hainbat sari irabazteko aukera izango dute. Bestalde, DBHko laugarren mailako ikasleen 733 familiek Amaia Agirre alkatearen eskutitza jasoko dute eta horretan azpimarratzen du “orain arte hizkuntza ereduan ikasten jarraitu ahal izatearen garrantzia, ikaste prozesuarekin jarraitu ahal izateko”.
Zozketa eta sariak
Webgunean sartu eta inkestan parte hartzen duten gazteek hainbat sari irabazteko aukera izango dute, hola nola ordenagailu portatil bat, patinete elektriko bat eta kultura edo kirol materiala erosteko 200 euroko opari txartela.