Googaz, Euskadiko millennial inkonformistek sortutako mugimendua, eta Euskadiko gazteak tokiko erronketan rol aktiboa izatera eta beren bizitzaren jabe izatera animatzen dituena, 18 eta 30 urte bitarteko gazteei zuzendutako ekimenaren laugarren ediziorako deialdia egin du Googaz-Deabru Jokoak. Aurtengo edizioak BBK Kunaren babesa du: GJHen Etxea, Bizkaiko Foru Aldundia eta hainbat udal, tartean Getxo, Leioa eta Sopela.
Hiru laguneko taldeetan parte hartu ahal izango dute eta aurtengo erronka soziala “emantzipazioa” izango da. Talde irabazleak 10 eguneko bidaia egingo du Senegalera (Afrika) iraila eta abendua bitartean.
Gonzalo Ayo Getxoko Gazteria Zerbitzuko zinegotzi arduradunak azaldu duenez, “ekimen honen bidez, gazteak emantzipatzeko eta helduen munduan sartzeko urratsak ematen has daitezen eta errealitate berri horrekin ohitu daitezen nahi dugu, jarduera dibertigarri eta entretenigarrien bidez. Gazteek beregain hartzea, bakarrik hegan egitea eta berme guztiekin egitea sustatzen jarraitu behar dugu. Horretarako, garrantzitsua da prozesu hori ahalik eta ondoen gauzatzen lagunduko duten baliabideak, ezagutzak eta tresnak ematea”.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
