Martxan dago aurtengo "Kaishop" kanpaina

"Asko balio du!" izango da herriko merkataritzan euskararen erabilera bultzatzeko "Kaishop, Erosi euskaraz" kanpainaren aurtengo leloa, Getxoko eta Erandioko udalek antolatuta, besteak beste.Maiatzaren 20ra arte aurrera eramango den kanpainaren lehen partearen helburuak izango dira tokiko merkataritzak duen tratu pertsonal eta gertukoa sustatzea eta, aldi berean, euskarak tokian tokiko merkataritzan duen garrantzia nabarmentzea.

Dendak eta tabernak, eta euskaraz artatuak izan gura duten herritarrek harremanetan jarriko ditu kanpainak. Une honetan, Getxon 25.000 bat lagunek erabil dezakete euskara, eta 241 establezimendu dira Euskararen Laguna Saltokien (ELS) sareko kide, herritarrei bere egunerokotasunean euskara erabiltzera gonbidatzen dituena; horiek udal webgunean dagoen mapan ikus daitezke.

Besteak beste, ELS dendetan euskaraz eskatzen dutenei poltsak, kafea eramateko edalontziak, boligrafoak, koadernoak eta katiluak oparituko dituzte.

Lehiaketa

Bestalde, kanpainak bigarren fase bat izango du Getxon; horretan, "Bota Prezioa!" lehiaketa jarriko dute martxan maiatzaren 23tik ekainaren 12ra bitartean. Opariz beteta prestatutako erakusleihoaren prezio zehatza asmatzean datza lehiaketa hori, eta asmatzea lortzen duenak dena eramango du etxera. Opari sorta horren irudia hainbat tokitan egongo da ikusgai.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun