Gailurra zain

Ba al zenekien uztailaren 2an katalanek eta euskaldunok elkarlanean Pirinioetako (Auñamendietako) 300 gailur baino gehiago argiztatuko ditugula? Ekimen hau bi urte luzez partekatutako gogoetaren ondorio da: garaia da euskaldunok eta katalanak elkartasunetik elkarlanera pasatzeko.

Jabetu gara elkarrekin jardunez bakarrik lortuko dugula #SpainGate atzean dagoen demokrazia-gabezia larriei irtenbide politiko egokia ematea, Espainiako beste lurraldeetatik demokrazian sakontzea eskatzen dutenekin ere indarrak bilduz.

Errepublika garaitik, gutxienez, ari gara euskaldunak eta katalanak elkarrekin eskatzen Espainiako Estatuari demokratikoki gure borondateak errespeta ditzan. Azken 80 urteetan, maiz adierazi diogu elkartasuna elkarri, Espainiako errepresioaren aurrean. Baina nekatu gara, eta ez gaude amore emateko prest. Jabetu gara askatasunez erabakitzeko bidea elkarrekin argiztatu behar dugula, eta hautetsontziak direla bide horretan dugun tresnarik eraginkorrena.

Eskoziarrek 2023an egingo dute independentziari buruzko bigarren erreferenduma. Guk uztailaren 2an Pirinioak argiztatuko ditugu. Zer izango gara gai egiteko hortik aurrera? #PirinioetakoBidea #GailurraZainDugu.

Bidali zure iritzi artikuluak hiruka@hiruka.eus helbide elektronikora

HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun