Ozeanoen Nazioarteko Eguna dela eta, Goazen Up elkarteak Plentziako itsasadarra garbitzeko deialdia egin du aste-akabu honetarako, hilaren 11 eta 12rako. Egun horietan, kostaldean pilatzen den plastikoa eta hondakinak batzeko ekintzak egingo dituzte familia guztiarentzako.
Zapatuan, Plentziako Ontziola plazan jarri dute hitzordua, 10:00etan. Lehen egunean, Abad Diseño enpresako profesionalek hondakin plastikoei modu errazean bigarren bizitza nola eman erakutsiko dute. Aldiz, domekan, Astondoko sorosleen postuan elkartuko dira, 10:00etan baita.
Antolatzaileek azaldu dutenez, familia guztiarentzako jarduera izango da, eta Goazen Up elkartekoak arduratuko dira taldeak osatu eta beharrezko materiala banatzeaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!