Uribitakora

Badia den paisaia

Hemen duzue entzungai Galder Bilbao Txapi ALBEko bertsolariak ekaineko HIRUKArako bidalitako argazkiari emandako erantzun ederra.

Doinua: Gatika, Udondo eta Algorta/ Familia du inporta.

Izugarrizko lekua aurrean
begientzako oparia.
Uretan buzti hondarraz goza
turistarentzat saria.
Belauntzi txiki baten gainean
Sasikapitain nagia,
arrantzalea kostaldean gertu
arrainen kaña jarria;
zelako ezuste atsegina da
Gorliz Plentziako Badia.

Gizarte illunak eskeintzen digu
Behin ta berriz erasoak,
Itsaso eta lurrean daude
Etsai eta marrazoak.
Jateko pixkat soilik behar dugu
Ta edateko ur basoak,
Eguraldi on ta aisialdiaz
Ahaztuta arazoak;
edonor biziko litzateke
zeharkatzen itsasoak.

Piraten bizitza onena da
argi dio bere kantak.
Rona edaten eta abesten
iskanbilak ta zaratak.
Belauntzizale ta yatedunak
dira pirata galantak,
baina famili arriskutsu bat
badago sortzen enbatak;
begiko partze ta ontzi gabeko
mikrofoneko piratak.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun