Izan gaitezen ordenatuak

Mundu binario honetan, duopolioen artean ibili behar gara oin-puntetan, moralaren zaindariei estropezu ez egitearren. A puntutik B puntura doan marra zuzena irudikatu dute eta bertatik ibiltzera behartu gaituzte. Sistemaren hiritartasunaren onurez disfrutatu nahi badugu behintzat. 

Emakumea edo gizona, heterosexuala edo homosexuala, atzerakoia edo aurrerakoia, edota bi puntu horien arteko hedadura. Emakumea eta gizonaren arteko jarrera horretan, sistemak nahiago du muturreko puntuetan kokatzea; hots, bata edo bestea. Baita heterosexualaren eta homosexualaren aukerekin ere. Izan gaitezen ordenatuak! Politika mundanoaren kontuetan ordea, ez da ideia ona muturrean aritzea. Eskuin muturrean kokatzen bazara, txarto. Eta ezker muturrean kokatzen bazara, okerrago. Kasu horietan, erdiko puntua izaten da egokiena. Distantziakideen talde gainpopulatuan egotearena, alegia.

Honekin, ardien artaldeari gertatu zaiena gertatu zaigu gizakioi. Ardiak, etxekotze prozesu horretan, beraien kabuz bizirauteko gaitasuna galdu dute. Ergelak segitzen ditugun ergelak besterik ez garelakoan nago ni. Ez guztiak, prefosta. Horretan erori ez direnak dira nire ustez munduko izakirik baliotsuenak.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun