Santa Marina Eguna

Santa Marina baselizara igotzeko ohitura berreskuratuko dute bihar

Urduliztarrek dantza-ikuskizunak egingo dituzte Antsonekoa plazan, 19:00etan.

Egun osoko egitarauak prestatu dituzte biharko, uztailak 20rako, Sopelatik eta Urdulizetik Santa Marina baselizara igotzeko. Alde batetik, sopeloztarrek 10:00etan hasiko dute kalejira herriko udaletxetik haitzetara abiatzeko; aldiz, Urdulizen, 11:00etan ekingo diote igotzeari. Udalerri bakoitzak bere aldetik ospatuko du zaindariaren omenezko egun osoko festa; gainera, Urdulizen zapatuan ere jarraituko dituzte jarduerak.

Sopelako egitaraua:

Uztailak 20, eguaztena

  • 10:00 Txupina jaurtitzea eta Sopelako udaletxeko plazatik Santa Marinako haitzetarako bidea kalejiran egingo dute, Barinatxe txistulari-taldearen doinuek lagunduta.
  • 11:00 Santuaren ohorezko meza nagusia, Santa Marina baselizan.
  • 11:30 Ohorezko aurreskua eta lore-eskaintza Fernando Ansoleagaren zenaren omenez.
  • 12:00 Hamaiketakoa trikitiaren musikak alaituta.
  • 14:00 Herri-bazkaria, Fernando Ansoleaga parkean.
  • 17:00 Tortilla-lehiaketa.
  • 18:00 Erromeria.
  • 23:59 2022. urteko jaien amaiera. 

Urdulizko egitaraua:

Uztailak 20, eguaztena

  • 11:30 Urdulizko Andra Mari elizatik Santa Mariñeko baselizara igoera, udal-aginteagaz eta txistulariek lagunduta.
  • 12:00 Meza nagusia.
  • 13:00 Ohorezko aurreskua azken urtean ama izan direnentzat.
  • 13:15 Hamaiketakoa fanfarreak alaitua.
  • 19:00 Santa Mariñetik Antsonekoa plazaraino jaitsiera egingo dute dantzari taldeen ikuskizunetarako: Iratxo Gorria (Urduliz), Agurra (Algorta) eta Kilometrokantuz (Basauri eta Sopela).
  • 20:30 Txokolatada. Plastikozko edalontziak ez erabiltzeko, bere katilua daramanak lehentasuna izango du.

Uztailak 23, zapatua

  • 12:30 Tortilla-lehiaketaren izen-ematea.
  • 14:00 Tortillen aurkezpena.
  • 16:00 Kuadrillen jolasak. Sari berezia irabazleentzat.
  • 18:00 Tortilla-lehiaketaren sari-banaketa.
    Lehiaketaren oinarriak:
    • Egurra eskuragai egongo da, butanoa ere erabil daiteke.
    • Hurrengoko osagaiak soilik erabil daitezke: patata, arrautza, olioa eta gatza.
    • Bi kategoria: 16 urtera arte eta 16 urtetik aurrera.

Uztailak 30, zapatua

  • 09:00 Txakur-lehiaketa.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun