Iritzia

Eraso berriak, betiko erasotzaileak

Besteak beste, Portu Zaharreko jaian salatu dituzten ziztadak.

Bi urteko pandemiaren ostean, festak bueltatu dira. Espazio publikoaren berrartzearekin batera, erasoen kultura cisheteropatriarkalak beste dimentsio bat hartu du. Hala, guztiok ikusi dugu  nola etengabe aktibatu diren protokoloak gure auzo eta herrietan; izan eraso homofoboak, izan eraso transfoboak, izan eraso sexistak, izan ziztada bidezkoak, etab. Horren ondorioz, emakume eta sexu-genero disidente gutxiago gerturatzen gara jai guneetara.

Ziztada bidez erasotzeko metodoak egun indarra hartu duen arren, ez da jasaten dugun indarkeria mota bakarra, eta besteak ere ez dira desagertu. Nazkatuta gaude! Ekintza zuzen eta indartsuago baten beharra dugu!

Komunikabideen bidez zabaltzen duten beldurraren terrorismoaz baliatuz, gizon cishetero taldeak gure aurka antolatzen ari dira. Horren aurrean, AUTODEFENTSA TRANSFEMINISTAren izenean ematen diren erantzunen aldarrikapena egiten dugu.

Bestalde, jai-giroan orokortu diren neurriak denok jasaten ditugu, nahiz eta argi dugun zeintzuk diren honen arduradunak: gizon cisheteroak. Horregatik, orain arteko protokoloetan egindako lana aitortu eta bide honetan pausu bat aurrera emateko deia zabaltzen dugu: erasoen aurrean gizon cishetero guztiak jai gunetik kanpora ditzagun. Espazioak seguruak ez badira guk bilakatuko ditugu.

Aurrean izango gaituzue!

Gora autodefentsa transfeminista!

Bidali zure iritzi artikuluak hiruka@hiruka.eus helbide elektronikora

HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun