Talka

Erabiltzailearen aurpegia

Uda honetan bete dira 30 urte World Scientists’ Warning to Humanity manifestua argitaratu zenetik. Bertan, mundu mailako 1.700 zientzialarik gizadia eta lur planeta talka bidean zeudela ohartarazi zuten, sakoneko aldaketak martxan jarri ezean.

Eta ez zen sakoneko aldaketarik gertatu, edo behintzat ez zientzialariek eskatzen zuten norabidean. Izan ere, talka leundu baino, azeleratzen hasi zen, CO2 emisioak etengabe handituz, adibidez. Gure eskualdean ere ezin dugu esan zientzialari horiei jaramon egin zitzaienik. Hiru hamarkada hauetan ehunka hektarea lur emankor sakrifikatu baitira autobide, txalet eta merkataritza zentroei lekua egiteko.

Badirudi uda honek era argian eman diela arrazoia zientzialariei, krisi klimatiko eta energetikoa azaleratuz.

Baina, agian, puntu baten erratu ziren. Benetan al da gizadi osoa talkaren eragilea? Esaterako, nekazari Somaliar batek eta Repsoleko buru den Josu Jon Imazek ardura bera al dute krisi klimatikoan? Eta gizarte kapitalistan irabazien pilaketak duen rol zentrala ez al da izan sakoneko neurriak hartzeko oztopo  nagusienetakoa? Akaso, Walter Benjaminek zioen bezala, iraultza da dugun larrialdiko balazta. Aktibatuko dugu?

Bidali zure iritzi artikuluak hiruka@hiruka.eus helbide elektronikora

HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun