Zabalik dago Inguru Minguru ingurumen-hezkuntza tailerretan izena emateko epea

Inguru Minguru tailerrak, Uribe Kostako Mankomunitateko Jasangarritasun Sailak umeentzako antolatzen dituen ingurumen-hezkuntzak ikastaroak dira. Horien helburua da parte-hartzaileei ingurumenarekiko errespetua irakatsi eta piztea: baliabide naturalak, hondakinak, birziklatzea eta berrerabiltzea.

Tailerrak euskaraz egingo dituzte, 8 urtetik gorako umeei zuzenduta egongo dira eta bi taldetan garatuko dituzte: bata abenduaren 26tik 30era, eta bestea urtarrilaren 2tik 5era, biak 09:00etatik 13:00etara Ekoguneko lokalean (Gatzarriñe, 10, Sopela).

Bertaratzeko ezinbestekoa izango da aldez aurretik izena ematea; prozedura online egin daiteke esteka honetan. Informazio gehiagorako interesdunek, 946 579 280 telefonora deitu edo ikastaroak@uribekosta.eus helbide elektronikora email bat bidali dezakete.

Tailerren helburua parte-hartzaileen hausnarketa bultzatzea dela azaldu dute, beren bizitza- eta kontsumo-ohiturak aldatu ahal izateko informazioa eta baliabideak eskainiz. Tailerretan alderdi eta gai nagusi hauetan sakonduko da:

  • Kontsumoa: Kontsumoa eguneroko ikuspegitik aztertuko dute. Kontsumo-ohitura oinarrizkoenak zein diren aztertuko dute (energia-kontsumoa, elikadura, jantziak...), eta nola erosten diren, nola sortzen edo fabrikatzen diren, zer ingurumen-inpaktu duten eta inpaktu hori nola hobetu edo murriztu daitekeen aztertuko dute.
  • Energia: Energia berriztagarriak ingurumena zaintzen laguntzen duten energia garbiak direla landuko dute.
  • Hondakinak: Eguneroko hondakinak edo baliabideak aztertuko dituzte eta berrerabilpenaren, birziklapenaren edo eraldaketaren ikuspegitik baloratuko dira. Birziklatzearen beraren alternatibak irakatsiko dira, hondakina objektu erabilgarri eta baliotsu bihurtzea bultzatuz.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun