Energia berriztagarrien lurralde plan sektoriala (LPS) onartu gura du uda honetarako Eusko Jaurlaritzak. Proposatutako txostenaren aurrerapenaren arabera, EAEko hainbat eremutan ezarriko lituzkete zentral eolikoak, mendiguneetan zein kostaldean, tartean, Gorlizen eta Lemoizen. Planak oraindino hainbat mugarri ditu aurretik, eta proposatutakoak hainbat aldaketa eta zuzenketa izan ditzake onartu baino lehen. Hala ere, momentuz, Ekonomiaren Garapen, Jasangarritasun eta Ingurumen Sailak online duen dokumentuan dozenaka eremu proposatzen ditu zentral eolikoak egiteko, besteak beste, Urizarmendin eta Ermua mendian.
Plan horren bitartez, Eusko Jaurlaritzaren helburua da gaur egungo potentzia eolikoa bost biderrez biderkatzea 2030erako. Hala, urte horretarako, asmoa da energiaren kontsumoaren % 21 iturri berriztagarrietatik lortzea; eta % 40 izatea iturri horretatik 2050erako.
LPSak bi motatako guneak bereizi ditu bere proposamenean: lehen eta bigarren mailakoak. Aurrenekoak urtean 3.350 orduz funtzionatzeko aukera izango luketen lekuak dira; bigarrenak, berriz, urtean 2.650 orduz lan egingo luketenak. Gurean, bigarren talde horretan kokatuko lirateke proposatutako guneak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
