Euskararen erabilera hauspotzeko asmoz, Uribe Kostako Mankomunitateko Euskara Zerbitzuak erakundeko kide diren udalerri-mailako Mintzodromoa antolatu du martxoaren 20rako, Nazioarteko Ahozkotasunaren Egunaren baitan. Ekimena Plentziako Jai-Alai pilotalekuan izango da, 11:00etatik 13:00etara.
Egun horren baitan, adin guztietako gizon-emakumeak mahai baten inguruan jarriko dira, euskararen egoera aztertzeko, bakoitzaren esperientzia partekatzeko eta horri buruzko iritziak eta gogoetak partekatzeko. "Ingurune atsegin eta hurbilean euskaraz lasai hitz egiteko aukera ederra izango da. Oso garrantzitsua da mota honetako ekimenak aurrera eramatea, euskararen erabilera eta ezagutza bultzatzen jarraitzeko Uribe Kostan", Josu Landaluze Mankomunitateko lehendakariak adierazi duenez.
Ekimenean parte hartu gura dutenek aldez aurretik izena eman beharko dute hurrengo bideetatik: euskera1@uribekosta.eus edo euskera2@uribekosta.eus helbideren batera idatzita edo 688 654 770 zein 688 654 773 telefonora deituta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
