Uribe Kostako Mankomunitateko Euskara Zerbitzuak Oporretan Blai 2023 egitasmoa antolatu du Pazko Asteko oporraldian haurrak elkarregaz euskaraz jolasteko eta abenturak bizitzeko asmoagaz. Proiektua apirilaren 11tik 14ra egingo dute, Sopelan, Barrikan, Urdulizen, Plentzian, Gorlizen eta Lemoizen. Izena emateko epea, gaur, martxoaren 13an, hasi eta hilabete honetako 24an amaituko da.
Pazko egun guztietan 5-10 urte arteko haurrei zuzendutako ekintza ugari egingo dituzte, goizeko 10:00etatik 13:00etara, eta 17:00etatik 19:30era Plentziako tailerren kasuan. Egitasmoa doakoa da, eta parte-hartzeko beharrezkoa da izena-ematea Uribe Kostako Mankomunitatearen webgunean edota 688 654 770 telefonora deituz.
Antolatzaileen esanetan, egitasmoaren helburua da Uribe Kostako haurrei oporraldietan, eta eskolatik kanpo ere, lagunakaz batera elkartzeko eta harremanak euskaraz garatzeko aukera eskaintzea. Horretarako, "beraientzako erakargarriak izan daitezkeen ekimenak" egingo dituzte, kultura, natura eta jolas dinamikoak uztartuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
