J. R. R. Tolkienek irakatsi zigun, boterea eraztun bakarrean kontzentratzen bada, gaixotu egiten duela. Politika instituzionalaren atxikimendu falta gure artean larria da. Abstentzio mailak ikaragarriak dira eta, bozkatzen dutenek ere, «politikak ez du ezertarako balio» Coca-cola leloa dute ahotan. Ados, politika instituzioetan egiten dena baino askoz gehiago da; gaztetxe, ikastetxe, zahar-etxe eta zoroetxeetan ere, politika asko egiten da, hitzaren jatorrizko zentzu handi eta ederrean. Polisaren ardura hartzen da herriko jai batzordean edo guraso elkartean, osoko bilkuran baino gehiago. Baina eraztuna elikatzen jarraitzen bada, Sauronek Uribe Kosta inperio propio bezala ulertzen jarraituko du. Kontuek ez dute ematen; kexuka zabiltzaten horiek, sobretxoa Sauronen alde erabiliko duzue maiatzaren 28an. Egin apustu!
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.