Txalaparta protagonista dela, tradiziozko zein abangoardiako askotariko musika-ikuskizunak proposatzen ditu bikote honek. Instrumentu horren historia eta magiatik abiatuta, euskal kulturaren iragana eta tradizio errespetatzen duen musika egiten dute, baina musika elektronikoaren azken joerak txertatuz, erritmo eta dimentsio originalak sortzen dituzte beraien emanaldietan.
Madrilen Txalaparta taldeak eskualdean egingo dituen emanaldiak hauek izango dira: ekainaren 2an, Sopelan, 22:00etan, udaletxeko plazan; ekainaren 3an, 18:30ean, Cris Mora eta Munduko Beat taldeagaz batera kontzertua eskainiko dute Algortako Azebarri kultur elkartean; eta, azkenik, ekainaren 4an, 13:00etan, Lemoizko Andraka jatetxean egongo dira.
Aurreratu duenez, zapatuan Azebarrin eskainiko duten kontzertuan, Cris Mora ere izango dute oholtza gainean; izan ere, elkarregaz musika proiektu berri bat garatu dute. Aurreratu dutenez, Morak bere "ahots zoragarriagaz, txeloagaz eta looper bategaz zuzenean grabatutako atmosfera magikoak sortzen ditu".