Eskualdeko bost hondartzetan bainatzea debekatu du Eusko Jaurlaritzako Osasun Publikoaren eta Adikzioen Zuzendaritzak, egunotako euri-jasa handien ondorioz horien uren kalitatea baldintzatuta gelditu da eta. Zehazki, hareatza hauetan ezarri dituzte neurria: Areetan eta Arrigunagan (Getxo); Armintzan (Lemoiz); Gorlizen eta Plentzian.
Bainu-denboraldi osoan, Osasun Publikoaren eta Adikzioen Zuzendaritzak bainatzeko uren kalitatea kontrolatzen du bainu-eremuetan. Ur horien kalitatea baloratzeko, astero hondartzak lagintzen dituzte eta hesteetako enterokokoen eta echerichia coli kontzentrazioak baloratu. Kutsadura fekalaren parametro adierazleak dira horiek eta, beraz, araudian adierazitako balio parametrikoak gainditzen direnean, bainua debekatu behar dute.
Atzo, eguaztenean, hartu zituzten aipatutako hondartzen laginak, bertako uren kalitatea ebaluatzeko asmoz; emaitzak gaur eta bihar artean egongo dira, eta, kalitatea bermatuz gero, bainua baimenduko dute berriro.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
