Denboraldi "ia borobila" egin du UK Saski klubak. Halaxe jakinarazi dute haren arduradunek, esanez infantil talde mistoak Bizkaiko txapelduna izatea lortu duela, eta 2012 mini neskena, aldiz, txapeldunordea. Era berean, iragarri dute zuzendaritza-taldea berritu dutela, eta kideetako bakoitzak lan-esparru bat hartu duela bere ardurapean.
UK Saski klubeko infantil mailako talde mistoak Bizkaiko txapela jantzi du, "denboraldi perfektua" egin ondoren, partida guztiak irabazi ondoren. 2012 mini nesken taldeak, aldiz, Bizkaiko txapeldunorde gisa amaitu du denboraldia. Arduradunek azaldu dutenez, lan gogorra egin du taldeak urte osoan zehar; "lehen fasea ez zen batere erreza izan, eta, nahiz eta partida bakarra galdu, lehen postua lortu zuen taldeak Irlandesasekiko puntu bakarreko diferentzia aterata". Bigarren fasean, Bizkaiko bost talderik onenak izan zituen aurkari, eta zortzi partidako ligan bost partidu irabazita, txapeldunorde gelditzea lortu zuen.
Kadete mailako mutilek, berriz, datorren urtean Bizkaiko mailarik altuena den "especial" ligan jokatuko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
