Alerta laranja aktibatu dute itsasaldeko arriskuagatik

'Patricia' izeneko enbatak gogor kolpatzen ari da gure kostaldea, eta, besteak beste, lau metrotik gorako olatuak ikusteko aukera izan da han eta hemen. Eguen honetan itsasoa zakar dabil eta, ondorioz, Eusko Jaurlaritzak alerta laranja aktibatu du itsasaldeko arriskuagatik. Beraz, kontuz ibili beharko da itsasgoretan, egoerak okerrera egin baitezake –goizekoa 06:30ean izan da–; arrastikoa, aldiz, 18:51ean izango da. Alerta 15:00ak arte egongo da indarrean gaur, eta ordutik aurrera abisu horia ezarriko da.