Datorren urriaren 15era arte zabalik izango da Gurot euskarazko galderei buruzko lehiaketan banaka parte hartzeko izena emateko epea. Alkarbide, Bizkaiko udal eta mankomunitateetako euskara zerbitzuen Bilguneak martxan jarritako Gurot aplikazioaren lehiaketan 12 eta 17 urte bitarteko gazteek parte har dezakete.
Uribe Kostako zein inguruetako eta mundu zabaleko kultur galdera-erantzuneko norgehiagoka interaktiboa da Gurot. Tribial moduko jolasa da, euskaraz, eta gazte bakoitzak jolastu ahal du, puntuak lortzeko. Galderak hurrengo esparruei buruzkoak dira: gizartea, natura, hizkuntza, artea, kultura, zientzia, kirola eta aisia.
Irabazlearentzako saria bizikleta tolesgarri bat izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
